قصيدة العراق سيد الامم

ياابو الخيرات ياسيد الامم ارد اسئلك شنهي هاي الحاله

انفجارات اوفنابل وسط اديك

وين بختك ما بقتله اوشاله

المنك اوبك انلب ضالم عليك

يمكن اتخبل اومدري اشماله

ونته ما متوازي اليكرهك تجيه

خله يزعل خل يضل بزعاله

روح لطفال الامم عاشت حياة

وكل طفل طير السعد غناله

ونته طفلك ضاع وسط الانفجار

ومه تبجي ادوور اعله اوصاله

وذاك يمهه الابن ما شايف ابوه

اويصرخ اوبس الدمع يحلاله

وهذه مو اول رجل يصرخ حزين

ضاعت ابهيج انفجار اعياله

عزفت ابجوك صواريخ الضلام

وحركت انجومك اوذاك اهلاله

خيرك اتبده اوجفاه ابنك عليك

ونته ما جنك تشوف اعماله

وين زلمك ذيج خل ادكَص اديه

اوتتلفه ابصفحة زمانه ازباله

وين سيفك وين درعك يا عراق

وين رشجك وين ذيج الفاله

لان مو عيب الاسد لمن يطيح

عيب لو واوي صبح جتاله


--------------------------------------------------------------------------------